Þriðjudagsferð með Fjallahjólaklúbbnum

Nei, ekki í kvöld, en í tilefni dagsins setti ég smá filmubút á youtube.  Þetta myndband er soðið saman úr þremur hjólatúrum.  Ég vann mætingabikarinn í fyrra, en vissi að ég yrði á ferð og flugi þetta sumarið og ólíklegt að ég myndi vinna hann aftur.  Ég var þó ansi nálægt því, fór í 8 ferðir, en Árni Bergsson hjólagarpur náði að fara í 9 þriðjudagsferðir.  Til hamingju með bikarinn Árni og takk fyrir félagsskapinn.  Alltaf gaman að fara út að hjóla með félögum úr Fjallahjólaklúbbnum.