Tveir þumlar upp

Ég trúði ekki mínum eigin augum þegar ég hjólaði eftir göngu-og hjólastígnum á Sæbrautinni í morgun.  Haldiði að leiðin hafi ekki verið teppt af vinnubíl með gul blikkandi ljós.  Það var barasta vinnuflokkur mættur að lagfæra rampinn!  Ég fór út á Sæbrautina innan um bílana glöð og sæl, enda komin í eiturgult vesti með hlussustórum endurskinsborðum.  Fékk það í Europris á tæpan 800 kall.

Ég sendi email í gærkveldi með myndunum úr síðustu færslu (Sópa Sæbrautina takk) til Framkvæmda- og eignasviðs sem sér um viðhald göngu-og hjólreiðastíga.  Og þegar ég kom niður á Kirkjusand, þá var búið að skafa stíginn og ryðja grjótinu burt.

Þetta kallar maður flott viðbrögð!

Athugasemdir

[steinimagg, 6.11.2008 kl. 20:52]

Flott.

[Gudrún Hauksdótttir, 7.11.2008 kl. 07:40]

tad verd ég ad segja..Flott hjá tér.

[Bjarney Halldórsdóttir (IP-tala skráð) 8.11.2008 kl. 07:55]

Þú átt heiður skilið.  Það er nefnilega oft vandamál hjá okkur að tuða í eigin horni en láta ekki þá vita sem hafa með málin að gera.

Hjólaði til og frá vinnu eftir Sæbrautinni sæl og sátt.