Hnakkur á veginum

Ég týndi lásnum mínum og hjólaði sömu leið til baka næsta dag til að athuga hvort ég fyndi ekki lásinn.  Sá svarta þúst á veginum framundan og taldi lásinn minn liggja þar.  En það reyndist vera hnakkur sem lá á stígnum.  Rifjaðist þá upp fyrir mér gamli brandarinn um nunnuna sem missti hnakkinn af hjólinu á leið sinni frá Reykjavík til Hafnarfjarðar.  Eftir það var svo gaman að hjóla að hún gat ekki stoppað fyrr en í Keflavík.
 

 

Raunveruleikinn er hins vegar sá að ef maður fær 30 cm málmstöng með hvössum brúnum inn í sig, þá verða meiriháttar skemmdir á innri líffærum.  Allar líkur á að manni blæði út og endi lífið sárþjáður í Kópavogi.  Og hver vill deyja í Kópavogi?!?

En ef einhver alsæll hjólarinn skyldi nú vera kominn til Keflavíkur eða lengra og saknar hnakksins síns, þá getur hann haft samband við mig

Vegir eru víða auðir

Athugasemdir

[Jón Snæbjörnsson, 18.3.2010 kl. 15:11]

[steinimagg, 18.3.2010 kl. 22:03]

He he, þetta passar vel við fréttina

 og já, hver vill deyja í Kópavogi, snilld